Urtero bezala, azaroaren 25a Zubi Zaharra Ikastolan egun berezia izan da, genero-indarkeriaren aurkako borrokaren aldeko aldarria egin dugu. Ikastolako komunitateak –ikasle, irakasle eta familiek– bat egin dugu gizarte parekide eta justuago bat lortzeko konpromisoa berresten.

Haur Hezkuntzan eta Lehen Hezkuntzan, egun hau modu sortzaile eta esanguratsuan landu dugu: marrazkiak, idazlanak eta kontzientziazio bideoen bidez, ikasleek beren ahotsak plazaratu eta berdintasunaren aldeko mezua zabaldu dute. DBHko ikasleekin, berriz, hausnarketarako espazioak sortu ditugu, emakumeen aurkako indarkeriaren errealitateaz hitz egiteko eta elkarrekiko errespetua indartzeko.

Ikastolaren funtzio hezitzailea funtsezkoa da eguneroko borroka honetan. Balio feministak eta solidarioak gure hezkuntza prozesuaren ardatz dira, eta egun honek gure konpromisoa indartzen du. Azaroaren 25a ez da soilik oroimen-egun bat, baizik eta gizarte osoaren kontzientzia pizteko aukera.

Elkarrekin indartsuago gara!